كرونيك اليتيمة كاملة 5

                                                   

                              كرونيك اليتيمة كاملة 3

مرام كانت تمس في شفافها وتتبسم وفاقت بها هبة ..
هبة:مممم يللا خير علاش راكي تتبسمي وحدك ضحكينا معاك..
مرام:اففف ياهبة خلاص مكان والو تفكرت حاجة وخلاص ايا ايا نروحو خصيني دوزان بزاف لازم نشريهم...
راحو خرجو مرام كان عقلها مع عماد الشعور والاحساس الي حساتو معاه مقدرتش توصفو...افف وشبيك يا مرام وقيلا حبيتيه علاش راني نخمم فيه اوعلاش راني حابة نزيد نبوسو اااي قلبي راهو يدق كل منتفكر البوسة نحس قلبي يدغدغ فيا ..
شرات مرام واش كانت حابة ودخلو للدار وكان عماد يستنا فيهم وكانت نضراتو لمرام تقتل مرام هي شافتو وهبطت راسها وهي كانت تمشي مور هبة.....
عماد:مراام راني حاب نحكي معاك ...
مرام حبت تهرب مقدرتش تشوف وجهو او تتكلم معاه كان قلبها يدق مقدرتش تحبس كملت مشات وهو شدها من يديها ودورها ليه..مرام كمشت روحها اوجها كان حمررر كطماطم ..عماد نهار الي شافها حشمانة تبسم بخبث كالعادة ...
عماد:ياعمري شحال تولي شابة كتحشمي ..يارب منيش قادر نصبر مرام ..راني نستنا وينتا نكون انا وياك ونغلق باب بيتنا ونكونو وحدنا ...
مرام دخلت بعضها بعدتلو يديه وهربت منو ...وهي تتبسم عليه مقدرتش كل مايمسها تضعف وقلبها يدق وعرفت الي هي طاحت على راسها من اول قبلة خضاتها وداتها لعالم تاعو هو ...طلعت مرام تجري وغلقت الباب ووحطت ضهرها على الباب وتتنفس كأنها هاربة وقلبها يدق ويدق اول حب اول احساس عمرها ولا حساتو من قبل ..عماد كان زينو هبال مكاش طفلة متقدرش طيح فيه مي مرام من الاول كانت تخاف من الحب مكان عندها حتى ثقة في حد حتى جا عماد وخضالها عقلها في ليلة ونهار...مرام حنينة بزاف وضعيفة وانوثتها طاغية عليها وعماد كان يموت عليها وعلى حشمتها وعقالتها قريب هبل باش يديها ....
فاتو يومين ومرام تتهرب من عماد وهو كان كالمهبول يستنا وقت الخطبة تاعهم ...فاتو يمات ولحق وقت الخطبة...

مرام راحة للحفافة مشطتلها ومكيجت ولات باربي جابها خالها من عند الحفافة ...
مرام كانو احاسيسها ومشاعرها ملخبطين مش عارفة اذا تحب عماد او لا هي حست باول بوسة ليها من عند عماد اما مقدرتش تنسا واش عمل عماد وقت الي جبرها على زواج ...خايفة منو وخايفة من عقليتو الي يحب كلش ليه ويرضاش بالرفض ..عماد كيكان صغير كان يحب كل شي ليه مايحب حتى واحد ينافسو او يشاركو فيه وكان اي حاجة يحبها ياخضها راسو يابس وميرضاش بالذل ..
مرام كانت خايفة لحقت للبيت لبست روبة فالاحمر طويلة وعريانة من ضهرها قعدت فوق الفرش كانت خايفة منو وكانت تتهرب منو في الايام الي فاتو كانت تخاف اذا تضعف قدامو ..ودرك معندها وين راح تهرب ..سمعت الباب دق ..قلبها وجسمها بكل يرجف وحست قلبها يوجع من الخوف وكرشها دغدغ فيها من الاحساس الي تحس فيه...
عماد حل الباب بعد ما دق شافها حل فمو وقرب ليها عض على شفايفو ..
عماد:ااي قلبي ..حط يدها في قلبو وهي مهبطة راسها ووجها احمر...شفتي قلبي يا مرام راح يخرج واش هذا زين ..دورها يبدو وقاهد يشوف فيها من فوق لتحت وهي حشمانة وخايفة ...هذا الكل تاعي انا ااه ياربي وقتاش تفوت هذي الجمعة وتولي مرتي وحلالي وناكلك ..هي نصدمت ...
مرام:كيفاش بعد جمعة مفهمتش واش راك تقول ...
عماد جبدها ليه وكبس عليهاوتكلم معاها بصوت خفيف...ايه بعد جمعة تولي مرتي ونشالله ميكونش عندك مشكل راني حكيت مع بابا وماما ومتخفيش تكملي قرايتك وكما وعدتك متخافيش نتزوجو ونعاودو نولو لكندا...
مرام مقدرتش تتقبل الفكرة الي هي حتتزوج بعد جمعة كانت دايرة في بالها الي راح يعملو خطبة وبعد عام راح تتزوج المهم تعرف عقليتو وتفهمو وبعدها تتزوج ..مرام معندها وين تهرب ومقدرتش ترفض عارفة الي هو يعمل اي حاجة باش تقبل ..
عماد:هيا حبي نخرجو منقدرش نديد نقعد وحدي معاك وشيطان شاطر راك عارفة ..وغمزها ..هي قلبها حيهرج من الحشمة هبطت راسها ومشات وهو يكركر فيها كأنها بوبية تاعو ..عماد كان فرحان وهي خايفة منو فاتت هذيك الليلة و لبسو الخواتم وناس فرحانة بيهم كملو الحفلة ومرام تعبت وكانت تخمم كيفاش راح تكمل حياتها معاه مقدرتش تتقبل الي هي حتتزوج بواحد متعرفوش ومقدرتش تنسا واش عمل معاها..طلعت للبيت وعماد كان حاس بيها وهو كان همو الوحيد انو داها وعمل الي في راسو كان اناني وحبو ليها كان حب امتلاك ...
هبة راحت لمرام..واش مرام خير راني نشوف فيك مكيش فرحانة ..
لالا مكان والو راني عيانة برك عييت من وقاف ...
ممم والله يا مرام راني حاسة كاينة حاجة ومكيش حابة تحكيلي ..

مرام مقدرتش تشد دموعها وبدات تبكي ...
ييوه مرام والله عرفتها الي كاينة حاجة من وقت ماجيتو وانا نشوف فيك الي مكيش مليحة ...
راحت عنقتها ومرام زادت فالبكا ..هبة خوك مهبول سيف عليا زواج ..وبداات تحكيلها واش صرا...
عرفتها والله عرفتها يا مرام قلبي مكاش مطمني اففف يا عمااد اففف ...مرام خلاص امسحي دموعك وغسلي وجهك ونشوف كيفاش نحكي معه ممكن نقنعو..
لالالالا يا هبة تعيشي انارحكيتلك باش نفرغ قلبي عماد اذا سمع الي حكيتلك راح يعمل فيا وهو هددني وقال الي متحكيش ..تعيشي هبة ردي بالك تحكي ...خليني انا خلاص قبلت مي راني خايفة منو عقليتو تبدلت اوليت منعرفوش بعد الي عملو معايا ....
هبة :مرام انا عندي فكرة لازم تعاقبيه شوفي لازم تخليه يكرهك قبل ما تتزوجو ...
ياهبة عرسي بعد جمعة وكيفاش يكرهني مفهمتش ...
ااه بعد جمعة هذا هبل اففف ...
ايه ياهبة بعد جمعة وزيد نعاودو نولو لكندا وانا راني خايفة منو الي راني حنعيش نعاه وحدي كنت حابة نكمل قرايتي وبعدها نتزوجو ونجو نعيشو معاكم مي هو صدمني بالقرار تاعو وراني خايفة منو...
مرام متخافيش عماد عمرو ولا يضرك هو اذا حب يحب من قلبو وانت سايسيه وسيي كيفاش تحبيه وراح تعيشي احلا عيشة معاه..
نشالله يا هبة نشالله ..

فات هذاك نهار عماد مقدرش يرقد وهو يخمم كيفاش يخليها تحبو مقدرش يتقبل الي هي متحبوش ..فات هذاك نهار خرجت هبة ومرام يقضو شوية حوايج وراحو سونتر فيه حوايج وليروب بلونش قاعدة تقيس حبت تشري وخلاص وهبة مرجتلها قلبها لالا مش هذي هذي قصيرة هذي مهيش كلاص هذي ...ومرام مكانتش تشري من قلبها وهوما خارجين وكانت مرام مهبطة راسها تحوس في ساكها على كارت بنكير ومفاقتش حتى دخلت في واحد تقول عرصة طاح من يديها ساكها وكانت حتلم دوزان خطفتها ريحة البارفان تاعو طلعت راسها داخت وقاعدة باهته فيه حتى هو كان يغزر فيها ويتبسم فاقت بروحها...
ااه اسمحلي مشفتكش...
نون مكاش مشكل باين عليك راكي مشغولة وراسك مهوش معاك ..ههه..
وي صح رراصي مهوش معايا ..جات هبة تجري شافتها واقفة معاه راحت تشوفهم ...اه مرام عرفينا وهمستلها في وذنها شكون هذا البوقوص..مرام نقزتها ...ههه منعرفوش مدلهم يدو باش يسلم...اه نسيت انا امين ..
متشرفين وانا مرام وهذي هبة ...
متشرفين ممم كاش مخصكم قولولي انا المسؤول هنا على هذا السونتر...
اه يعطيك صحة امين حنا رانا رايحين وتشرفنا بالمعرفة تاعك مرسي ...
اه اسناي تفضلي كارت تاعي ممكن تستحقي كاش حاجة راني هنا ..هبة تبسمت وعرفت الي مرام عجباتو ...
مرام مرسي يطيك صحة ..
خرجت وهبة تتبسم ومرام فاقت بيها...
مرام:خير واش بيك ضحكينا معاك ..
هبة:امممم ديري روحك كلي معلابلكش مشفتيهش كيفاش كان يغزر فيك قريب كلاك بعينيه...هههه..
مرام:واش راكي تهدري يالمهبولة هو سيد يبان محترم وحاب يعاونارهذا مكان ..اااف شحال نيتك ناقصة ..امشي امشي خليني نكملو نقضيو راني عييت ...
هبة:ممم امشي امشي خلينا نفطرو وامبعد نكملو ..

كملت هبة ومرام وراحو للدار مرام طلعت قبالة رقدت مقدرتش عيات وعماد كانرقلبو خارج باش يشوفها راح للبيت تاعها صابها مغلوقة مرام بعد الي صرا مع عماد وباسها ولات تخاف منو اولات تغلق لباب ومتخليهش مفتوح كانت ثقتها في عماد منعدمة ..عماد حاول يفتح الباب منفتحلوش خبط يدو على الحيط قريب كسر يدو من الغش وراح خرج راح لديسكوتيك فرغ قلبو فم وكانت وحدة تشطح وتتزعبل وهو كان يشوف فيها ودايخ معاها هي قربت ليه وبدات تتزعبل عليه وتتمايل جبدها ليه وقعدها في حجرو وهو مكاش في عقلو قعد يمس فيها وجبدها من شعرها وداها للشومبر الي فما وقعد يبوس فيها وهي مطاوعاتو انبعد بعد عليها وضربها بكف ولاحلها دراهم في وجها ..هي حست الي نذلت وبزقت عليه وخلاتو ..
عماد خرج وقعد فالطونوبيل مقدرش يسوق الطنوبيل رقد فيها حتى للصباح...
مرام قامت صباح دوشت ولبست روبة افلوغ وخرجت راحت لهبة مصابتهاش في الدار صابت روحها وحدها خالها وامينة راحت راحت هي شربت قهوتها ودخل عماد وهي قلبها ولا يوجع من الخوف حطت كاسها وكانت طالعة تجري لبتها وهو يحكمها من يدها وجبدها ليه وقرب ليها كان يشوف فيها بغش رفدها وراح طلع بيها هي بدات تبكي وتقاوم فيه هو مكاش يسمع فيها دخلها لبيتو وغلق لباب بالمفتاح وهي قريب هبلت وهي تشوف فيه كيفاش يقرب ليها وهي تبعد...
مرام:واش راك حدية عماد علاش واش درتلك علاش راك دير هكذا تعيش خليني نروح..كانت تبكي وترجف...

عماد كان يقرب ليها حتى طاحت فوق الفراش هي تبعد وجا فوقها قعد يبوس فيها وشم في ريحتها..مرام علاش متحبينيش كما انا علاش مرام انا نحبك يا ربك نحبك علاش علاش مرام ..عماد كان يبكي ايه يبكي من حرقتو عليها ومرام كانت تشوف فيه ومصدومة جبدت روحها وقاعدة تغزر فيه هو معنقها ويبكي ...
مرام:عماد انا راني خايفة منك انت مخليتليش فرصة باش نعرف عقليتك خليتني نخاف منك بعد ماعملت معايا .. عماد:يا رب افهميني انا نحبك وانت مخليتيليش فرصة كيرفضتيني مقدرتش افهميني مقدرتش نتقبل تلي نتي تبعدي عليا ورفضتيني على هذيك درت هكذاك تعيشي مرام اعطيني فرصة اعطيني امل بتش تحليني وراح تشوفي كيفاش نعيشك..
مرام سكتت ومقدرتش جاوبو بحتى حاجة غير انها تمسح على راسو وتصبر معاه زادت ضعفت وستسلمت ومقدرتش تهرب منو ...
خرجت مرام من بيت عماد بعد مارقد وخلاتو خرجت مقهورة عليه حست الي هي ضلماتو وقررت الي تعطي فرصة ليها وليه باش يكملو حياتهم عادي ..
عماد ناض وتفكر ليلة البارح نهار الي راح لديسكو وعرف الي غلط مع وحدة وراح يشوفها ..عماد شافها وراح ليها يطلب فيالسماح وهي مقبلتش.
اخطيني علاش درك راك جاي ...
اسمعيني انا مقصديش نجرحك مي مكنتش في عقلي لبارح هذا مكان....
ممم ايه معليش كامل مكناش في عقلنا سماح وخطيني درك يجي حبيبي يشوفني معاك ويدير عرك معاك ..
ايهيه ملا لوكان يسمع واش درتي لبارح واش يدير ههههه..
البارح مدرنا والو وانا كنت مقلقة منو وخلاص تسامحنا وخلاص ..ااففف غيرا حكيتلك قصة حياتي باش تروح يلا روح ...
هههه يسيدي راني رايح ني لازم نتعرف عليك انا عماد وانت ..مدلها يدو باش يسلم عليها ...ايه وانا نسرين تشرفت بمعرفتك مسيو عماد هههه...
تشرفت انا ثان نشالله تكوني سامحتيني ودرك رانا اصحاب ...اوكي مسيو عماد صحاب مرسي ...
بعد متكلم مع نسرين الي راكم عرفتوها شكون وتفكرتوها الي هي صحبة مرام اليكانت فالميتم...
عماد كلم مرام فالتلفون بعد ...الو مرام راني حاب نخرجو شوية برا نشمو هوا ونحكيو ...
اوكي درك نلبس ونجي ...

خرجت مرام بعد مالبست روبة فيالبلو وجاية فوق ركبة شوية وخرجت شافها عماد عينيه ولاو قلوبة ...مرام شافت فيه ومن حشمتها هبطت راسها وطلعت فالطنوبيل ..
عماد:مرام عمري..
مرام قلبها حبس..وي عماد ..
عماد:عماد هكذا بلا متقولي والو لا عمري ولا حبي ...
مرام هبطت راسها من الحشمة وبدا قلبها يخبط ..ممم خلاص عماد تعيش متبقاش تتكلم هكذا ...
عماد:يا عمري على حشامة تاعي نموت عليك مرام ...وشدلها يدها حتى وجعها...
مرام كانت مهبطة راسها ووجها احمر ..عماد حبس في يلاصة قدام غستورون و خرجو قعدو في طابلة كمونداو واش ياكلو وهوما قاعدين دخلت نسرين ومعاها واحد ...

رابط الحلقة 6  : من هنا