كرونيك حب بالصدفة كاملة
وسيم و امال -وسيم : 24 سنة، سمر، عينيه خضورة، شعرو شاتين، زينو زين الاوروبيين، عندو كور ميسكلي، باختصار، بقلاوة معسلة بالعسل الحر👌، من عائلة مرفهة 🤑
-امال: المازوزية نتع دارها 20 سنة، عينيها نوازات ( لون البندق) ،شعرها طويل و بني فيه خصلات فاتحين ، اللي يشوفها تعجبو بصح هي خاطيها الخرجات، عندها طاي تع العود الفرنسي، من عائلة مرفهة تاني
الحكاية
_______امال،_________________________
نضت الصباح نسمع فصوت نبع الحنان، صوت حنين 😍 ديما تجي تنوضني 😘😘 ليلى: امال نوضي تقراي لا يروح عليك الحال
امال تهدر وهي مغمضة عينيها و تبعد فشعرها من وجهها: كنت نهدر مع مرام ااه نهدر مع مرام ا ما ( ميش صاحية 😂)
ليلى:نوضي برك ليل كامل تسهري معاها ومبعد تنوضي دايخة اففف
امال : صاي صاي صاي نضت
ليلى: اني التحت امالا
ناضت امال بعد ما صحات لانها مالفاديما تسهر مع صحبتها ف الانستا ميرقدوش بكري، لا علينا
نضت غسلت وجهي، و لبست هاك 👆 درت مكياجي ديما سامبل حطيت ايلاينر و ماسكارا، بلاش غوز بيبي و حمرة خدود و حمرة شفايف لون غوز، بوكليت شعري من النهايات و رفدت نصو على شكر ذيل حصان و طلقت الباقي رفدت ساكي و نزلت جيت خارجة لاقاتني يما
ليلى:امال مفطرتيش؟
امال:لالا ماما خلي نفطر برا
ليلى: مم صحا ايه راهم جايين عمك و لدو ومرتو منبعد روحي للدار شوي بكري
امال: شكون متقوليليش عمي مصطفى؟
ليلى: ايه هوا و راح يفوت يومين عندنا و يروح
امال تجمدت فبلاصتها : بصح ماما علاه جايين
ليلى: منعرف ابنتي قال عمك لباباك جايين على جال وحد الموضوع
امال: ااه صحا ماما متسقي والو منجيبلك معايا؟
ليلى: اذا سحقيت اني نعيطلك
امال: اوكي ماما مبعد نشالاه انا نروح راح الحال
ليلى: الله يسهل 😘
عطاة امال بوسة لماماها فالسما و راحت ركبت فطوموبيلتها 👆 ، رحت للجامعة وقاريت جيت نازلة و نشوف فطوموبيل جاية، تقاري اونفاص ليا لانو مكنش بلاصا غير اللي قدامي، خرجت و رفدت ساكي، مبعد جات مرام تمشي بكل ثقة كيف كل يوم، تبان متكبرة بصح والله غير تتبدل عقليتها كي تهدرو معاها هه، جات و سلمت عليا
مرام: حبي وش راكي
امال: والله غير الحمد لله ونتي حبيبتي
مرام: كي تكوني نتي مليحة نكون مليحة
امال: جوتاميك حبيبتي
مرام: ههه نا تاني ههه اووو شوفي شوفي
درت شت وين كانت تشير مرام، لقيتها نفس الطوموبيل اللي قارات اونفاص ليا، نزل منها 2 بقلاوات وااات 😱 وش هاذ الزين، يا مامييي
امال: وش هاذا مرام راكي تشوفييي
مرام: قليع قلبيييي 😭😭
امال: وش كاش بوبينات
مرام: سمعت بلي هوما جداد فالجامعة
امال: اوووو صح؟
مرام: معلاباليش بالاك، ديجا باينة، مكنتش كاينة طوموبيل كيف تاعهم منقبل هنا
امال: يا عمرييي
مرام: شوفي هاذاك منهيه
امال: لالا السمر السمر
مرام: حوجي الروجي شباب عليه
امال: وش وش لزوج بقلاوات
مرام: ايه والله
امال: صاي دوري دوري رهم يشوفو فينا
مرام: يلا يلا الهربة
شافت امال ف ساعتها منبعد سكرت طوموبيلتها و راحت دخلت تقرى مع مرام.
________وسيم،______________________
كنت راقد حتا صونا تيليفوني، ايه الرافاي، اللحظة اللي نحب نرفدو نضرب جدو مع حيط نفتتو، هزيتو باش نحبسو، حتا قريت وش مكتوب "نوض يا انا اليوم اول يوم ليك فجامعتك الجديدة" تشوكيت قريب نتخيل بلاك البورتاب روبو، حتا تفكرت بلي البارح انا اليي كتبتو باه نوض م ن اول مايصوني، وباه منديرش الروطار، ضحكت على روحي، ونضت دخلت للدوش، دوشت وغسلت سنيا و فوتت يدي على شعري و غمزت لروحي فالمرايا: شحال زل يا وسيم فيبالي بديت نعشق فروحي😎 المهم هههه خرجت رحت بعدت ليزار على الحيط اللي كان كلو تاقة اللي ورا سريري، بعدتو وضربت فيا الشمس مبعد توضحت الرؤية و بانت الجاردان نتع الدار، و الخدامين يقصو فالشجر باه يدروهم على الشكل المراد، و يسقيو الحشيش اللي عدلوه ورجعوه فنفس الطول، ولا الخدام اللي ينظف فلابيسين اللي ماءها ولا زرق كلون السما، تم عرف بلي اليوم رح يكون اجمل يوم، دخلت بدلت لبست كيما هاك👆👆 ، و خرجت للبالكون، شافوني الخداما دارولي هاي بيديهم انا تبسمتلهم و رجعتلهم الهاي بيدي ، رفدت البورتاب و عيط لمنصف، صاحبي و خويا و قع شاكاين، بعد محاولات عديدة رفد عليا: وش منصف يخي صافا خو
منصف: شكون نتا؟
وسيم: بوشون😑
قلع منصف البورتاب من وذنو شاف شكون عيطلو وعاود رجعو : ااه وسيمو صافا حبيبي
وسيم: واش حتا صوتي متفكرتوش
منصف: خو نوضتني من رقاد
وسيم: نوض يرحم باباك نص ساعة نكون عندك
منصف: صحا خو نستناك
قطع وسيم وراح نزل يفطر،
كنت راقد حتا صونا تيليفوني، ايه الرافاي، اللحظة اللي نحب نرفدو نضرب جدو مع حيط نفتتو، هزيتو باش نحبسو، حتا قريت وش مكتوب "نوض يا انا اليوم اول يوم ليك فجامعتك الجديدة" تشوكيت قريب نتخيل بلاك البورتاب روبو، حتا تفكرت بلي البارح انا اليي كتبتو باه نوض م ن اول مايصوني، وباه منديرش الروطار، ضحكت على روحي، ونضت دخلت للدوش، دوشت وغسلت سنيا و فوتت يدي على شعري و غمزت لروحي فالمرايا: شحال زل يا وسيم فيبالي بديت نعشق فروحي😎 المهم هههه خرجت رحت بعدت ليزار على الحيط اللي كان كلو تاقة اللي ورا سريري، بعدتو وضربت فيا الشمس مبعد توضحت الرؤية و بانت الجاردان نتع الدار، و الخدامين يقصو فالشجر باه يدروهم على الشكل المراد، و يسقيو الحشيش اللي عدلوه ورجعوه فنفس الطول، ولا الخدام اللي ينظف فلابيسين اللي ماءها ولا زرق كلون السما، تم عرف بلي اليوم رح يكون اجمل يوم، دخلت بدلت لبست كيما هاك👆👆 ، و خرجت للبالكون، شافوني الخداما دارولي هاي بيديهم انا تبسمتلهم و رجعتلهم الهاي بيدي ، رفدت البورتاب و عيط لمنصف، صاحبي و خويا و قع شاكاين، بعد محاولات عديدة رفد عليا: وش منصف يخي صافا خو
منصف: شكون نتا؟
وسيم: بوشون😑
قلع منصف البورتاب من وذنو شاف شكون عيطلو وعاود رجعو : ااه وسيمو صافا حبيبي
وسيم: واش حتا صوتي متفكرتوش
منصف: خو نوضتني من رقاد
وسيم: نوض يرحم باباك نص ساعة نكون عندك
منصف: صحا خو نستناك
قطع وسيم وراح نزل يفطر،
وكل مايمشي تقابلو خدامة وهو يقولهم صباح الخير وهوما يردولو هههه حنين بزاف و لطيف مع الناس، وصل لطابلة نتع الماكلة، لقا باباه و يماه و ختو وخوه يفطرو ( ختو اسراء 16 سنة المازوزية نتع الدار عينيها كيف عينين وسيم طاي حوتة شعرها شاتين، خوه اسر 18 سنة المتوسط نتع الدار عينيه خضر و رماديين متغيرين هه شعرو شاتين)
وسيم: اوووو كي نوض صباح و نشوفكم والله غير تجيني الفرحة
احمد تبسم و مسح فمو بالسرفيات و طلع راسو شافو زاد تبسم : وكي نشوفك انا جاي فرحان نفرح كثر
نوال شافت فيه و ضحكت: اقعد ولدي اقعد
اسر: وسيم خرج سيدي جديد نتع البلاي، لبارح حطوه فالاسواق عطيني نشريه بليييز
وسيم: يا ولدي قول صباح الخير مبعد ساهل
اسر : ههه صباح الخير
اسراء: صباح الخير وسيمووووو
وسيم وهو يجبد فالكرسي باه يقعد : صباح النور اسر، صباح النور اسراء
ودا يحط فالبيض و السلاطة فالصحن نتاعو و سربا القهوة وبدا يشرب وياكل بالخبز و الكونفيتور 😂 و الزبدة، كملها بالديسير ومبعد خرج يخرج فالطوموبيل نتاعو من القاراج، جا اسر يجري : وسيم عطيني بلييز
وسيم: يا ولدي وش نمدلك
اسر: ههه دراهم نشري السيدي
وسيم شاف فيه مبعد حل الكوفر نتع الطوموبيل و جبد دراهم ومدهوملو: هامليك اسمع مبعد نجي وتوريلي السيدي ادا عجبني نديه معلبليش بيك
اسر: ياااااا خليني نكمل نلعبو ومبعد اديه
وسيم: دراهمي تبال......
احمد: اسرررر، واش الشوفور يقعد يستنا ولا واش، امشي تقرى اوراح الحال
اسر وهو يجري باه يركب فالطوموبيل : اوكي اوكي اوكي صاي اني رايح ايا مبعد نتلاقاو
ضحك وسيم و مشا بالطوموبيل للباب و حل الكارو و شاف في باباه ولوحلو بيدو شغل باي باي، هزلو احمد راسو بمعنى تهلا في روحك، وراح وسيم قلع بطوموبيلتو،
وسيم فالطريق عيط لمنصف دار مكبر الصوت نتع الطونوبيل و بدا يهدر : وي خو واش راك واجد
منصف: وي خو نروحو بطوموبيلتي؟
وسيم: لالا بتاعي
منصف : ايا صحا اني كملت فطوري دك نخرج
وسيم: 5 دقايق و نكون عندك
منصف: اوكي
زاد وسيم فلافيتاس و دار الموسيقى وبدا يغني معاها
وصل لدار منصف اللي كان البرا قاعد الكرسي نتع الدار يستنا فيه، غير شافو راح طلع و ديماراو، وصلو للجامعة، اللي كانت كل العيون عليهم، طبعا متفاجئوش لانهم موالفين كيما هاك، لا علينا راحو لجيهة الباركينغ و لقاو بلابلاصا وحدة لحسن حظهم، قاراو و خرجو،
وسيم شاف فمنظر الجامعة من الخارج، كانت خيالية ، نافورة من برا، جاردان قاعدين فيها الطلاب، واو، زاد شاف عاليسار، واو اكثر من الاولى، بنت زينها خيالي، ولاو عينيه قلوبة، شعر بني طويل يدي فيه الريح منا منهيه، نظرتها ليا كانت كلها فرح، مبعد دارت و حكمت يد صحيتها و داتها معاها دخلو، انا شديت يد منصف : علابالك، رح نفوتو يامات حلويز هنا
منصف: ههه وش عرفك
اشرت بيدي للبنت وصحبتها
منصف شاف فيا و ضحك : يامات حلوين ياه 😂
وسيم: كثر 😂😂
منصف: ايه كيتفريها ياخي راني خوك ههه
وسيم حكم يد منصف و جراه موراه بداو يمشيو داخلين للجامعة : وش تقصد ملخر
منصف : صحبتها ليا
وسيم: هه كي نفريها لعمري
منصف : حاجة باينة
وسيم: ارواح نسقسو على المدرج نتاعنا
منصف: اوكي
راح وسيم و منصف يحوسو و يسوفو وين طاحو و لحسن الحظ تاني طاحو كيفكيف، دخلو لونفي و قعدو فاللخر وحدهم،
منصف: يادرا وش تبالك، رح تهدر معاها
وسيم: شكون
منصف: البنت نتع قبيلات
وسيم: اااهههه ايه ايه نهدر معاها يلزملي نعرف وش من كلا... دور منصف وسيم مجيهة الباب
لقراءة الاجزاء الاخرى اضغط هنا . الاجزاء الاخرى
ليست هناك تعليقات
إرسال تعليق